iOS.11- 完全關閉Wi-Fi太麻煩？唔一定既
恭喜！閣下的iPhone 已經為最新版本。然後大家都奇怪地發現 Wi-Fi 或 Bluetooth 唔能夠响控制中心（畫面由最下向上拉）完全關閉，十分麻煩。蘋果方面已經解釋左此改動主要為改善安全性問題（！？），大家只能夠接受。
Wi-Fi 易開難熄?
相信大家都習慣左離開屋企或者Office 會有閂Wi-Fi 呢個動作。現時 IOS 11 要完全關閉Wifi，大部份人會經由 "解鎖 > 搵設定 > 進入"設定" > Wi-Fi > 關閉 " 進行，然而如果大家係經常出入Wi-Fi 範圍既話，不停開關將會非常煩人 。但唔閂Wi-Fi 既話將會仲煩，事關佢會突然由 Mobile Data 轉做 Wi-Fi 。突然上唔到網果下呢。。。(喂! 我打緊 online 架大佬！) 但下下㩒入去設定真係好煩，有冇方法快手少少呀？
Siri 幫到你
其實如果大家有用開 "Siri" 既話，可以選擇叫Siri幫你完全關閉Wi-Fi 或者Bluetooth ，同 Siri 講一句 " 熄／閂左Wi-Fi 佢" （或者任何差唔多大家諗到既句子），屏幕就會直接顯出 Wi-Fi 已經閂左，慳水慳力想唔懶都唔得呀，大家都不彷試下。唔使下下入設定解鎖屏幕架，等 Siri 做野吧。Problem is solved!
